Árið 2008 fimmtudaginn 10. apríl var haldinn fundur nr 753 í Lionshúsinu, kl 21.
Formaður klúbbsins setti fund og bauð félaga velkomna til fundar . Heldur var stjórnarborðið fáliðað því bæði vantaði gjaldkera og ritara.
Gunnlaugur Árnason var beðinn um að rita fundargerð.
Formaður las upp fundargerð síðasta fundar og voru ekki gerðar athugasemdir við hana. Þá kannaði formaður mætingu. Hún var heldur döpur á þessum fundi. Mættir voru 18 félagar sem er um 50 % mæting.
Formaður fór yfir erindi sem hafa komið á borð stjórnarinnar. Hann var með fundargerð frá svæðisfundi sem haldinn var í Buðardal 30. mars s.l. Enginn fulltrúi komst á fundinn frá okkar klúbbi.
Ferð til Thailands í tengslum alþjóðaþing Lions í júní verður farin. Almennum Lionsfélögum gefst kostur á að fara með og eru 5 sæti laus.
Beiðni hefur verið send til Bæjarstjórnar Stykkishólms um styrk til greiðslu fasteignagjalda af Lionshúsinu.
Þá dreifði formaður yfirliti yfir stöðu verkefna þessa starfsárs. Tvær blómasölur hafa farið fram og gefið um 190.000 kr í tekjur, Lionsalmanakið gaf hagnað upp á 92.000 kr. Þá hefur klúbburinn fært orgelsjóði kirkjunnar annað framlagið af þremur, styrkt grunnskólann til vélakaupa sem nýtast á eldri borgurum. Framlag til Sight-first verkefnisins er á þessu starfsári 264.000 kr. Eldri borgurum var boðið í Tehúsið og eins voru einstaklingar styrktir fyrir jólin eins og venjulega. Nokkrir aðrir styrkir hafa verið veittir á starfsárinu.
Þá var komin þörf á að fá sér kaffi. Um kaffi sjá að þessu sinni Magnús Sigurðsson og tókst honum vel að skila því verki.
Að loknum kaffiveitingum var gengið til dagskrár.
Formaður sagði að fundarefnið væri að taka stöðuna á starfsemi klúbbsins. Formenn nefnda myndu greina frá störfum nefndanna. Það gæfi svo félögum tækifæri að tjá sig um málefni klúbbsins og frekara starf.
Lárus Frans formaður verkefna- og fjáröflunarnefndar tók fyrstur til máls. Hann greindi frá verkefnum í vetur.  Til viðbótar því sem fram kom hjá formanni klúbbsins fyrr á fundinum var í byrjun apríl farið með Rauða fjöður í hús, til fyrirtækja og svo tekið á móti framlögum í verslunum. Verkefnið var unnið í samstarfi við Hörpurnar. Söfnunarfé verður varið til kaupa á leiðsöguhundum fyrir blinda.
Þrjár fermingar verða í Stykkishólmskirkju í vor og að venju bjóðum við upp á heillaskeyti til fermingarbarna. Blómasala er ákveðin á föstudagskvöldi fyrir hvítasunnu.
Hreinsað verður með fram vegum eins og við gerðum í fyrra. Björgvin Guðmundsson hefur fengið jákvæð svör frá Vegagerðinni. Stefnt er á hreinsa seinni hluta í maí og voru nokkrir sem vonuðu eftir grillveislu á eftir á góðum stað við vegkantinn.
Fram kom hugmynd um samstarf við Stykkishólmsbæ og prenta inn á almanak næsta árs losun á sorptunnum, grá, græn og brún
Formaður skemmtinefndar, Gestur Hólm, sagði frá störfum nefndarinnar. Nefndin stóð fyrir skemmtikvöldi á Fimm fiskum í ársbyrjun. Sú skemmtun klikkaði ekki, enda þarf mikið til svo að Lionsmenn geti ekki skemmt sér saman. Á skemmtunina mættu 39 félagar og gestir. Hann minntist á bingóið sem fram fór, en gleymdi að kanna hvort vinningarnir sem í boði voru hefðu komið að notum hjá vinningshöfum.
Þá ræddi hann um lokafundinn. Fundurinn hefur verið til umræðu og fór Gestur yfir þær hugmyndir sam fram hafa komið. Hann telur rétt að stefna á dagsferð, telur að lengri ferð dragi úr þátttöku. Rætt hefur verið um ferð á Reykjanes, á Snæfellsjökul, eyjaferð í Purkey í boði Jónsa og svo ferð í Húnavatnssýslu um Jónsmessu sem endar með fjöruhlaðborði í Hamarsbúð. Björgvin Guðmundsson hafði kynnt sér málið. Dagsetning ferðar er laugardagurinn 21. júní. Björgvin kynnt matseðilinn frá í fyrra og lofaði að hann yrði ekki síðri í ár. Á matseðlinum var hægt að velja um 40 – 50 rétti. Hann las upp það sem í boði var. Verður hér rétt stiklað á stóru: Selkjöt, nýtt og saltað, selhreifar súrir, selspik nýtt og saltað, sigin grásleppa, hrefnukjötsbollur. Þegar hér var komið sögu var komið breitt bros í andliti Hallferðs og Hrafnkell var farinn að sleikja út um. Á svip Steina Jónasar mátti greina áhyggjur af því hvort hann þyrfti að taka með sér nesti. En er Björgvin hélt áfram upptalningu sinni var öllum ljóst að úr mörgu ætilegu væri úr að velja. Mjög íslenskur matseðill og spennandi fyrir nagla eins og okkur.
Í umræðum á eftir virtist vera mikill áhugi fyrir Vatnsnesferðinni. Björgvin tók að sér að kanna með rútu og heyra nánar í Lionsfélögum á Hvammstanga. Hann stakk upp á því að ferðanefnd smyrði nesti sem borðað yrði í fallegum hvammi á leiðinni norður.
Þórður Magnússon, formaður félaganefndar vildi ekki þreyta félaga með langri ræðu um störf nefndarinnar en sagði að markmið hennar væri að leita eftir mönnum í klúbbinn með upphaflegan háralit.
Þorbergur greindi frá því að húsnefnd hefði komið saman til fundar og farið yfir helstu verkefni í viðhaldi Lionshússins. Það þarf að mála glugga að utan og þakskegg. Lofttúðu þarf að setja á kjallara sem mýs hefðu ekki jafn greiðan aðgang og nú er. Þetta þarf að gera í vor. Að lokinni sumarleigu þarf að mála glugga og veggi og hugsanlega að bera á gólfið. Beiðni er um að kaupa uppþvottavél og lítinn íssakáp en það mun leiða til minna skápapláss. Tjón er á húsinu. Verktaki hefur verið fenginn til að laga tjónið, en því miður hefur Þorbergur enn ekki náð taki á honum til að koma honum að verki, en er vongóður um það muni takast fljótlega.
Hrafnkell hafði ekki áhyggjur af störfum fegrunarnefndar og mun nefndin skila störfum þegar þar að kemur.
Önnur mál.
Rætt var um utanför. Greinilegt var að Færeyjarferðin er enn í fersku minni. Vilji kom fram að stefna á aðra utanför eftir svo sem 2 ár. Kúba var nefnd í því sambandi.
Gunnlaugur ræddi um þá hugmynd að Lionsklúbburinn bjóði til Lionsþings og það verkefni yrði þá liður í fjáröflun til utanferðar. Lionsklúbburinn hefur aldrei haldið Lionsþing, en það er verkefni sem klúbburinn mun vel ráða við. Það yrði auglýsing fyrir klúbbinn, Stykkishólm og mundi þjappa félögum saman í því átaki.
Ákveðið að fulltrúar klúbbsins á komandi Lionsþingi myndu kanna málið.
Þá komið að fundarlokum.
Formaður las siðareglu Lionsmanna og sleit fundi kl.22.20
Gunnlaugur Auðunn Árnason

Lionsfundur nr. 752 var haldinn 27. mars 2008.
Fundur var settur kl. 21 í Lionshúsinu. Eftir lestur fundargerðar síðasta fundar og nafnakall var gengið til dagskrár.
Lárus Frans formaður Verkefna- og fjáröflunarnefndar fór yfir verkefni sem nýlega er lokið og það sem framundan er. Blómasala fyrir páskana gekk glimrandi vel. Allt seldist upp og fengu færri en vildu þannig að í Stykkishólmspóstinum var birt kveðja til bæjarbúa með þakklæti fyrir góðar móttökur og  afsökunar beðist á því að hafa ekki haft nóg af blómum til sölu. Ekki er gott að segja hvers vegna salan nú var betri en fyrri blómasala en nefna má tvennt: mæting félaga var góð og svo virðist tíminn hafa hentað vel en gengið var í hús um kvöldmatarleytið miðvikudaginn fyrir páska. lDegrading Sweet Singers Sweet Easy Do Lionsklúbbur Stykkishólms | s h Singers hDegrading Sweet Singers Sweet Easy Do Lionsklúbbur Stykkishólms | x Degrading